Encryption လုပ်တယ်ဆိုတာ စာ-ပုံ(information/data) ကို ကုတ်အဖြစ် ပြောင်းခြင်းဖြစ်ပါတယ်။ Encryption မလုပ်ထားတဲ့ ရိုးရိုးစာတွေ ပုံတွေ ဗီဒီယိုတွေကို လူတိုင်း အလွယ်တကူ ဖတ်နိုင်တယ်။ ကုတ်တွေနဲ့ဆိုရင် အလွယ်တကူ ဖတ်လို့မရဘူး။

End-to-end encryption ဆိုတာကတော့ ပေးပို့သူနဲ့ လက်ခံသူပဲ ဖတ်လို့ရအောင် encryptionလုပ်ထားတဲ့ စာ-ပုံ(information/data)တွေ ဖြစ်ပါတယ်။ End-to-end encrypted လုပ်ထားတဲ့စာတွေကို ကြားကနေ ဘယ်သူကမှ ဖြတ်ပြီး ဖွင့်ဖတ်/ခိုးဖတ်လို့ မရပါဘူး။ လက်ခံတဲ့သူဆီ ရောက်မှ ဖတ်လို့ရတာမျိုးပါ။

ဒါကြောင့်၊ End-to-end encryption သုံးထားတဲ့ Applicationတွေကို အသုံးပြုပြီး စာတွေပို့၊ စကားတွေ ပြောစေချင်ပါတယ်။ သတိဆိုတာ ပိုသည် မရှိ မဟုတ်လား။ ဥပမာ- Signal, Wire, Telegram,WhatsApp, Webex etc ...

End-to-end encryption မှာလဲ သူ့အားနည်းချက်နဲ့ သူပါပဲ။ End-to-end encrypted လုပ်ထားတဲ့စာတွေကို ကြားကနေ ခိုးဖတ်/ဖွင့်ဖတ်လို့ မရပေမဲ့ ဘယ်သူကတော့ ဘယ်သူ့ဆီ End-to-end encryption လုပ်ပြီး စာတွေ ပို့နေတာလဲဆိုတာတော့ သိနိုင်ပါတယ်။

End-to-end encryption ဆိုတာ လက်ခံသူရဲ့ Deviceထဲရောက်မှ ဖတ်လို့ရတာ ဖြစ်တာကြောင့် Deviceက မသမာသူတွေ လက်ထဲရောက်ရင်တော့ ပို့ထားသမျှ စာတွေ အကုန် ဖတ်လို့ရသွားမှာ ဖြစ်ပါတယ်။ ဒါကို မမေ့ မလျော့ သတိထားသင့်ပါတယ်။

https://www.kaspersky.com/blog/what-is-end-to-end-encryption/37011/