Digital Repression 2026 in Myanmar

February 2026

• ဖေဖော်ဝါရီ (၂)  - စစ်ကိုင်းတိုင်း၊ ယင်းမာပင်မြို့နယ်၊ အလောင်းတော်ကဿပနယ်မြေ အနီးရှိ ဖုန်းလိုင်း ဖြတ်တောက်ခံထားရသည့် ကျေးရွာများအား စစ်ကောင်စီ ဗုံးကြဲခဲ့ခြင်း။  မှတ်ပုံတင်မရှိခြင်းနှင့် ဖုန်းလိုင်းအခက်အခဲကြောင့် AA သူနာပြုသင်တန်း လျှောက်ထားရန် လူငယ်များ အခက်တွေ့ခဲ့ခြင်း။

• ဖေဖော်ဝါရီ (၃) -  စစ်ကော်မရှင်က နိုင်လွတ်လုံ ဥပဒေကို ထပ်မံပြင်ဆင်သည့် ဥပဒေ ပြဋ္ဌာန်းခဲ့ခြင်း။

• ဖေဖော်ဝါရီ (၄)  - စစ်ကိုင်းတိုင်း၊ ဝက်လက်မြို့ အရှေ့ခြမ်းမှာ စစ်ကြောင်းထိုးနေပြီး ဖုန်းလိုင်းများပါ ပြတ်တောက်နေ ခဲ့ခြင်း။

• ဖေဖော်ဝါရီ (၅) -  အာရက္ခတပ်တော် AA က AA ပိုင် စတားလင့် အင်တာနက်စက်များကို ပြည်သူများမှ ငှားရမ်းအသုံးပြုနိုင်ကြောင်း ပြဌာန်းချက်ကို ဇန်နဝါရီ (၂) ရက်နေ့က ထပ်မံ ထုတ်ပြန်ခဲ့ခြင်း။

• ဖေဖော်ဝါရီ (၉)  - ဘဏ်အကောင့်ပိတ်ခံရသူတွေကို PSMS စနစ်နဲ့ စစ်ဆေးပြီး ဆက်တိုက်ဖမ်းဆီးမှုများလုပ်နေခဲ့ခြင်း။

• ဖေဖော်ဝါရီ (၁၀) - တနင်္သာရီတိုင်း သရက်ချောင်းမြို့နယ်နှင့် ပုလောမြို့နယ် ပလောက်မြို့ကြားရှိ ကျေးရွာများတွင် ဖုန်းလိုင်းများ ပြတ်တောက်နေ။ ကရင်အမျိုးသားလွတ်မြောက်ရေး တပ်မတော်-KNLA တပ်ရင်း (၁၂) လက်အောက်ခံတပ်ဖွဲ့က မင်းဒပ်ရွာရှိ ဖုန်းတာဝါတိုင်ကို ဖျက်ဆီးခဲ့ခြင်း၊ စစ်လော်ဘီ ဇော်ဘုန်းဟိန်းကို စစ်ကောက်စီက အီလက်ထရောနစ်ဆက်သွယ်ရေးဥပဒေ ပုဒ်မ ၆၆ (ဃ) ဖြင့် ထောင်ဒဏ် ၂ နှစ် ထပ်မံ ချမှတ်ခဲ့ခြင်း ။

• ဖေဖော်ဝါရီ (၁၄) - သိမ်းယူထားသည့် ပုဂ္ဂလိကပိုင် စတားလင့်စက်များကို AA က ပြန်ပေးမည်ဟုဆိုခဲ့ခြင်း၊ စစ်ကောင်စီက နိုင်ငံကူးလက်မှတ်များကို E-Passport များအဖြစ် ပြောင်းလဲရန် စီစဉ်နေခဲ့ခြင်း။

• ဖေဖော်ဝါရီ (၁၇) - မိုးကုတ်တွင် Atom ဖုန်းလိုင်းများ ပြန်လည်ရရှိခဲ့ခြင်း၊ စစ်ကောင်စီ၏ လေယာဉ်ပျံသန်းမှုများကို မိုဘိုင်းဖုန်းမှတစ်ဆင့် ကြိုတင် အချက်ပေးမှု ရရှိနိုင်မည့်  "ဝေဟင် ကင်းထောက်"စနစ်ကို စတင်အသုံးပြုနိုင်ပြီဟု ဝေဟင်ကင်းထောက် အဖွဲ့က ထုတ်ပြန်ခဲ့ခြင်း။

• ဖေဖော်ဝါရီ (၂၀) - ဖေ့စ်ဘွတ်ခ်၊ တစ်တော့ခ် တွင် ရဟန်းသာမဏေ၊ သီလရှင်များ အနေဖြင့် ဂုဏ်သိက္ခာ၊ ဝိနည်း၊ ကိုယ်ကျင့်တရားတို့နှင့် မလျော်ညီသည့် ပြောဆို လွှင့်တင်မှုများကို ဓမ္မစက်၊ အာဏာစက်ဖြင့် ထိန်းရမည်ဟု နိုင်ငံတော်ဗဟိုသံဃာ့ဝန်ဆောင်အဖွဲ့ ဥက္ကဋ္ဌ ပြောကြားခဲ့ခြင်း၊  စစ်တပ်လော်ဘီ ကျော်မျိုးမင်းကို ရုပ်ရှင်အစည်းအရုံးက အမည်ပျက်သတ်မှတ်ခဲ့ခြင်း။

• ဖေဖော်ဝါရီ (၂၁) - ပြင်ဦးလွင်ရှိ ရတနာပုံဆိုက်ဘာစီးတီးစီမံကိန်းဖွင့်ပွဲ နှင့် Shopping Center စစ်ခေါင်ဆောင် လာရောက်ရန်ရှိချိန် ဖုန်းလိုင်းနဲ့ အင်တာနက်လိုင်းတွေ ပြတ်တောက်ခဲ့ခြင်း။

• ဖေဖော်ဝါရီ (၂၄) - ပြည်တွင်း စီးပွားရေးလုပ်ငန်းများအား  ​ငွေသားသုံးစွဲမှု လျှော့ချပြီး ဒစ်ဂျစ်တယ် ငွေပေးခြေမှု သုံးစွဲကြရန် စစ်ကောင်စီ ဗဟိုဘဏ် ဖိအားပေးခဲ့ခြင်း၊  အာရက္ခတပ်တော် (AA) က ရခိုင်တွင် စတားလင့် ငှားရမ်းတပ်ဆင် အသုံးပြုလိုသူများ၏ လျှောက်လွှာများ လက်ခံနေခဲ့ခြင်း။

• ဖေဖော်ဝါရီ (၂၅) - တိုက်ပွဲဖြစ်ပွားခဲ့ပြီး နောက် ရှမ်းပြည်နယ် ရွာငံမြောက်ပိုင်းရှိကျေးရွာများတွင် ည (၈) နာရီနောက်ပိုင်း အင်တာနက်လိုင်းများ ပြတ်တောက်ခဲ့ခြင်း၊ ချင်းပြည်နယ်တောင်ပိုင်း၊ ကန်ပက်လက်မြို့နယ်၊ ဒိုင်ရ်ဒေသကျေးရွာအချို့တွင် ချင်းကာကွယ်ရေးတပ်ဖွဲ့ (ဒိုင်ရ်) က အင်တာနက်လိုင်း ဖြတ်တောက်ပြီး အတင်းအဓမ္မ တပ်သားသစ် စုဆောင်းနေခဲ့ခြင်း။

• ဖေဖော်ဝါရီ (၂၆) - ထိုင်းနိုင်ငံ၊ ကန်ချနဘူရီခရိုင်၊ စံခလပူရီမြို့နယ်အတွင်းရှိ မြန်မာနိုင်ငံဘက်ခြမ်းသို့ တရားမဝင် ဖုန်းလိုင်းနှင့် အင်တာနက်လှိုင်းများ လွှင့်ထုတ်ပေးနေသည့် ပုဂ္ဂလိက ဖုန်းလိုင်းအခြေစိုက်စခန်းတစ်ခုကို ထိုင်းအာဏာပိုင်များက သိမ်းဆည်း ဖြုတ်သိမ်းခဲ့ခြင်း။

• ဖေဖော်ဝါရီ (၂၇) - စစ်မှုထမ်းများ၏ ကိုယ်ရေးအချက်အလက် စီမံခန့်ခွဲမှုစနစ် (National Services Information Management System- NSIMS) ကို အကောင်အထည်ဖော် ဆောင်ရွက်နေဟု ဗိုလ်ချုပ် မောင်မောင်အေး ပြော ခဲ့ခြင်း။

• ဖေဖော်ဝါရီ (၂၈) - ယခုလအတွင်း လူမှုကွန်ယက်ပေါ်တွင် ပြောဆိုရေးသားမှုများကြောင့် ဖမ်းဆီးခံရသူ အနည်းဆုံး ( ၂) ဦးခန့်ရှိခဲ့ခြင်း စတဲ့ ဖြစ်စဉ်များ ဒစ်ဂျစ်ရပ်ဝန်းအတွင်း ဖြစ်ပွားခဲ့ပါတယ်။

January 2026

• ဇန်နဝါရီ (၁) - စစ်ကိုင်းတိုင်း​ဒေသကြီး၊ ကသာမြို့တွင် တိုက်ပွဲများဖြစ်ပွားနေပြီး ဆက်သွယ်ရေးလိုင်းများ ပြတ်တောက်နေသဖြင့် စစ်ရှောင်များနှင့် ဆက်သွယ်ရန်ခက်ခဲနေခဲ့ပြီး Atom ဖုန်းလိုင်းသာ မြို့တွင်းတွင် အသုံးပြုနိုင်ခဲ့ခြင်း။

• ဇန်နဝါရီ (၂) - ရွေးကောက်ပွဲ ပထမပိုင်း ပြီးပြီးနောက် မန္တလေးတွင် လမ်းသွားလမ်းလားများ၏ ဖုန်းများအား စစ်ဆေးမှုများ ပြန်လည် ပြုလုပ်လာခဲ့ခြင်း။

• ဇန်နဝါရီ (၄) - လူမှုကွန်ယက်မှတဆင့် စစ်အုပ်စုအား ဝေဖန်သဖြင့် ဖမ်းဆီးခံခဲ့ရသူ ပြန်ကြားရေးဝန်ကြီးဟောင်း ဦးရဲထွဋ် ပြန်လည်လွတ်မြောက်ခဲ့ခြင်း။

• ဇန်နဝါရီ (၆) - ရွေးကောက်ပွဲ ပထမအဆင့် ပြီးသော်လည်း အင်တာနက်လိုင်းများ ပြန်လည် ကောင်းမွန်လာခြင်း မရှိဘဲ ဆက်လက်နှေးကွေးနေဟု Ayeyarwaddy Times သတင်းဋ္ဌာန ဖော်ပြခဲ့ခြင်း။

• ဇန်နဝါရီ (၇) - ကချင်ပြည်နယ် မြစ်ကြီးနား၊ နမ္မတီး၊ မိုးကောင်း၊ မိုးညှင်း၊ ပူတာအို မြို့ရှိ ကျေးရွာ၊ ရပ်ကွက် အချို့တွင် Mytel ဖုန်းလိုင်းများ ပြတ်တောက်နေခဲ့ခြင်း။

• ဇန်နဝါရီ (၈) - စစ်​ကော်မရှင်အား အွန်လိုင်းမှ တဆင့် ဝေဖန်သူများကို လော်ဘီများ အကူအညီဖြင့် စောင့်ကြည့် ဖမ်းဆီးနေခဲ့ခြင်း။

• ဇန်နဝါရီ (၈) - TikTok မှ မဲဆွယ်စည်းရုံးရာတွင် “၂၀၂၁ အရေးတော်ပုံလို့” ဟု သုံးနှုန်းမိသဖြင့် ပြည်သူ့လွှတ်တော် အမတ်လောင်း ဦးလွင်မြင့်ကို အလုပ်ကြမ်းနှင့် ထောင်ဒဏ် (၁) နှစ် ချမှတ်ခဲ့ခြင်း။

• ဇန်နဝါရီ (၉) - Mytel နှင့်ဆက်စပ် စာမျက်နှာ၊ Group နှင့် အကောင့် ပေါင်း ၁၀၀၀ ကျော်ကို  Facebook ဖယ်ရှား ဟု Justice for Myanmar အဖွဲ့ ဖော်ပြခဲ့ခြင်း။

• ဇန်နဝါရီ (၁၀) - အချိန်ပိုင်း အင်တာနက် ဝန်ဆောင်မှု အစီစဉ်များ ပြုလုပ်ပေးရန် အာရက္ခတပ်တော် (AA) ကို ရမ်းဗြဲ ဒေသခံများ တောင်းဆိုခဲ့ခြင်း၊ ဇန်နဝါရီ (၁၀)  ငွေကြေးလွှဲပြောင်းမှုများကို e-ID စနစ်နှင့် SIM-Registration စနစ်တို့ဖြင့် ချိတ်ဆက် စောင့်ကြည့်နိုင်ရန် ဗဟိုဘဏ် လုပ်ဆောင်နေခဲ့ခြင်း။

• ဇန်နဝါရီ (၁၁) - ထားဝယ် ၊ ကျွန်းစုမြို့နယ်တွင် အင်တာနက် ပြတ်တောက်ခဲ့ခြင်း။

• ဇန်နဝါရီ (၁၂) - ရွေးကောက်ပွဲတွင် သတင်းရယူရန် ခက်ခဲပြီး လွတ်လပ်စွာ သတင်ရယူခွင့်မရဟု သတင်းသမားများ ထုတ်ဖော်ခဲ့ခြင်း။

• ဇန်နဝါရီ (၁၃) - ရှမ်းပြည်နယ်၊ ညောင်ရွှေမြို့နယ် ၊ စံကားဒေသတွင် ဖုန်းလိုင်းများ ပြန်လည်ပြတ်တောက်နေခဲ့ခြင်း၊ စစ်ကိုင်းတိုင်း ဒေသကြီး ကသာမြို့တွင် ဖုန်လိုင်းများ လုံးဝ ပြတ်တောက်သွားခဲ့ခြင်း။

• ဇန်နဝါရီ (၁၄) - ရန်ကုန်-မန္တလေး လမ်းဟောင်းက စစ်ကောင်စီရဲ့ ရေနီမြို့ စစ်ဆေးရေးဂိတ်မှာ ဖြတ်သန်းသွားလာသူ တယောက်ချင်းစီကို ဓာတ်ပုံရိုက်ယူပြီး စစ်ဆေးခဲ့ခြင်း။

• ဇန်နဝါရီ (၁၅) - ရခိုင်ပြည်နယ်၊ ကျောက်တော်မြို့နယ်တွင် အာရက္ခတပ်တော် (AA) က ပုဂ္ဂလိကပိုင် စတားလင့်စက်များကို သိမ်းယူခဲ့ခြင်း။

• ဇန်နဝါရီ (၁၆) - လူမှုကွန်ယက်စာမျက်နှာတွင် တရားမဝင်နိုင်ငံခြားငွေကြေးများ ရောင်းချ လဲလှယ်သည်ဟုဆိုကာ ဘဏ်အကောင့် ၁၃၄၂ ခုကို ပိတ်ပင်ခဲ့ခြင်း။

• ဇန်နဝါရီ (၁၉) - မြန်မာနိုင်ငံ၏ အကျဉ်းထောင် အသီးသီးတွင် အမျိုးသမီး သတင်းသမား (၅) ဦးအပါအဝင် စုစုပေါင်း (၂၇) ဦး ဆက်လက် ထိမ်းသိမ်းခံထားရဆဲ ဖြစ်သည်ဟု လွတ်လပ်သော မြန်မာသတင်းမီဒီယာ ကောင်စီ ( IPCM ) ထုတ်ပြန်ခဲ့ခြင်း၊  စစ်ကိုင်းတိုင်း အင်းတော်မြို့နယ် နဘားကျေးရွာက စတားလင့်ဝိုင်ဖိုင်စက် (၁၅)လုံးကို စစ်ရေးအခြေအနေကြောင့်  ဆိုကာ ပြည်သူ့အုပ်ချုပ်ရေးအဖွဲ့ (ပအဖ)၊ ပြည်သူ့ကာကွယ်ရေးအဖွဲ့ (ပကဖ) တို့ သိမ်းဆည်းခဲ့ခြင်း။

• ဇန်နဝါရီ (၂၂) - မကွေးတိုင်း၊ အောင်လံမြို့နယ်၊ တပ်ကုန်းကျေးရွာရှိ မင်္ဂလာဆောင် ပြင်ဆင်နေစဉ် ဗုံးကြဲတိုက်ခိုက်ခံခဲ့ရပြီး အင်တာနက်လိုင်းများလဲ ဖြတ်တောက်ထားခဲ့ခြင်း။

• ဇန်နဝါရီ (၂၄) - ရွေးကောက်ပွဲ အပိုင်း(၃) ပြုလုပ်ရန် နီးကပ်လာချိန် ရှမ်းပြည်နယ်တောင်ပိုင်းတွင် အင်တာနက်လိုင်းများ သုံးမရအောင် လိုင်းကျခဲ့ခြင်း။

• ဇန်နဝါရီ (၂၇) - ရခိုင်ပြည် ပုဏ္ဏားကျွန်းမြို့နယ် အများပြည်သူ အင်တာနက် အသုံးပြုနေရာကို စစ်ကော်မရှင် ဗုံးကြဲ ခဲ့ခြင်း၊ မြန်မာစစ်တပ်၏ စီးပွားရေးနှင့်ဝါဒဖြန့်ချိရေး အကောင့်ပေါင်း ၂၇၀ ကို Facebook က ဖယ်ရှားခဲ့ ဟု Justice for Myanmar အဖွဲ့ ထုတ်ပြန်ခဲ့ခြင်း။

• ဇန်နဝါရီ (၂၈) - စစ်ရာဇဝတ်မှုနဲ့ လူအခွင့်အရေးချိုးဖောက်မှုတွေကို စစ်ကောင်စီဝါဒဖြန့် မီဒီယာတွေပေါ်ကနေ ရည်ရွယ်ချက်ရှိရှိနဲ့ ဖုံးကွယ်ဖို့ ကြိုးစား နေသည်ဟု Myanmar Fact Checking Network ပြောခဲ့ခြင်း။

• ဇန်နဝါရီ (၂၉) - ရခိုင်ပြည်နယ်၊ မာန်အောင်တွင် ရွေးကောက်ပွဲပြီးနောက် လျှပ်စစ်မီးများ ပြန်လည်ပျက်တောက်ခဲ့ခြင်း။

• ဇန်နဝါရီ (၃၁) - ယခုလအတွင်း လူမှုကွန်ယက်ပေါ်တွင် ပြောဆိုရေးသားမှုများကြောင့် ဖမ်းဆီးခံရသူ အနည်းဆုံး ( ၁၃) ဦးခန့်ရှိခဲ့ခြင်း စတဲ့ဖြစ်စဉ်များ ဒစ်ဂျစ်တယ်ရပ်ဝန်းအတွင်းဖြစ်ပေါ်ခဲ့ပါတယ်။